منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 مسجات من جوالي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدو

avatar

عدد المساهمات : 537
نقاط : 15557
السٌّمعَة : 9
تاريخ التسجيل : 29/01/2010
العمر : 33

مُساهمةموضوع: مسجات من جوالي   الثلاثاء فبراير 16, 2010 5:27 pm

مسجات من نقالي


وأتمنى أن تنال الإعجاب


ماني راخي.. نار الجفا تاگل وزاد صراخي.. فيك متمسك وماني راخي
¤
كنك نويت جفانا.. عد القبر والتابوت والجبانة.. وطابور العزا
¤
شوف روحك بيها.. كبدي على جمر غلاك شاويها.. غير هاك عيني وشوف روحك بيها
¤
سبحان كيف رقدنا.. وجانا النوم وما تقول فقدنا.. إعزاز فارقوا
¤
عزيز انقطع ومازال عيني تريده.. زعمه اختار الجفا وإلا أصفار رصيده
¤
العمر أخسارة.. من غير نشدة وهدرزة وبصارة.. العمر يا صاحب بلاك أخسارة
¤
ماني عديم ضمير.. أندير الغلا ونخون في لأخير.. علي ما تنكتب
¤
كانك انسيت الود.. نفسي عزيزة ما عليك اترد.. راجع افكارك
¤
صحة لك.. لالقيت غيرك لاغلاك انفك.. واخد العقل امعاك.... صحة لك
¤
وتي روحك.. جايك وجايبلك الدوا لجروحك.. ونقعد امعاك اشوي... وتي روحك
¤
كل جرح يبرا.. لا يبي طبيب لا بكا لا عبره.. أمغير الصبر
¤
تقاوا سمة.. أتقول مدمن علي هروين يبي شمه.. غلاك يا غالي تقاوى سمة
¤
كوكايين غلاكم تما.. ذقنه سمه.. ليل نهار انريدو شمة
¤
قاصر اليوم نظرهن.. افراق الحبايب والزمان قهرن.... قريب ينعمن
¤
دز جوابه.. تحايا ربيع الصوب بعد اجدابه... رفيق الغلا مشكور...
¤
ساكن اعروق اعروقي.. لوكان تعلم ياعزيز بشوقي.. ماتلومني
¤
علينا ايمنو.. يوم يمكروا فينا ويوم ايحنو.. اصحاب الغلا كنهم علينا ايمنو
¤
سقد روحك.. جيب الدوا داوي عقاب اجروحك.. سطيرك رقى عالكبد سقد روحك
¤
يللي مشيت انريدك.. عاود علي وحط ايدي فيدك.. مشتاق خاطري بالحيل
¤
كان فكري صافي.. خطر طيفكم عالبال زاد اريافي.. ياغوالي علي
¤
الله لا يغيبهم.. ينشدوا من غير ما نعاتبهم.. الناس اللي علي إعزاز
¤
شكا من ظلمك.. الخاطر بكا واجد يكون أبعلمك.. مشتاق ومكابر
¤
حايس يموج بشوقه.. املذع بنارك كبدته محروقة.. خليت خاطري
¤
غلا ومكتوبك.. اللي توالفه يمشي بعكس ادروبك.. ياقلب حظك فالغلا ومكتوبك
¤
مازلت سامر منه.. علي مانداوي ماتلايم كنه.. اعزاز جرحهم
¤
جيوش انظاري.. بعد غيبتك دارن عليك طوارئ.. يريدن شوفتك
¤
ماعاد عندي صبر.. تميت نرجى في الكفن والقبر.. من ضيق خاطري
¤
ياغالينا.. ظالم اتمارس في الارهاب علينا.. فيش غالطين امعاك؟
¤
طيب نومك.. ناهو اللي نسهر نشيل اهمومك.. خلي السهر عنك وطيب نومك
¤
...تفكيري.. نخاف الزمان ايميل وتلاقي غيري.. ويحوس خاطر وين اتجي في

عندي حكاية يا بحر كاميها..كان أنت ما عندي لمن نحكيها..حكاية غبره ؟و نا يا بحر من الوقت واخذ عبره..جرحي قديم و ما إنضني يبرا... من وقت عيني فاقده غاليها...من كبد مشوية أشواية هبره...والعين ساهرة مابا النوم إيجيها
...


Good by

_________________
الرجوع الى أعلى الصفحة اذهب الى الأسفل
 
مسجات من جوالي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم الشعر والخواطر-
انتقل الى: