منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 الأقدم والأجدد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدو

avatar

عدد المساهمات : 537
نقاط : 15277
السٌّمعَة : 9
تاريخ التسجيل : 29/01/2010
العمر : 33

مُساهمةموضوع: الأقدم والأجدد   الثلاثاء فبراير 16, 2010 5:35 pm

أجدد وأقدم

غناوي و شتاوات

العقل مالكه الجديد.. عليش يا قديميين تبرموا..؟؟
¤
أنخاير أنريد أنتوب.. ونخاف من قديمين ينشدوا..!
¤
أنجوك كي أيضيق العلم.. ننسوك كيف يا دار القدم
¤
خايف أندير جديد.. يفضا لي قديم و ننقهر
¤
يا القديم قريب أنسيتك.. لكن كي فتشت ألقيتك
¤
ردت الروح فينا وين.. دانينا جديد الغلا
¤
أتقولي قديم ايش دار.. تبكي وتشهقي يوم خونته
¤
كمين نوع نار وطيت.. ابردن فيت مانار لولي
¤
مع جديد راق العقل.. على قديم ماعاد يلتفت
¤
قابلني قديم اليوم ماعبرته.. كي ماقهرني زمان قهرته
¤
لاقديم ولاجديد.. نا والزمان كارهين الغلا
¤
تقول ماشغلته يوم.. هلب قديم وماشوري نظر
¤
يالقديم لك معزة.. جا الجديد وقلبي لزه
¤
ع القديم سفيت رديم.. ومع جديد نيراني والعة
¤
مابيت ع الجديد انغلا.. من قبل قيسني ظالم القدم
¤
داواها جديد اليوم.. فالقدم راح سوها
¤
ازعما ياجديد اليوم.. تملى فضوة مكان القدم
¤
العقل لاتعازو فيه.. صيور جرح لقدم قاتله
عزمي شديد وكل شي انديره.. ننسى القديم والجديد وغيره
¤
كاره مداعي الصوب.. لانريد قديمين لااجدد

قديم كان خان الصوب.. دواي بجديد يبري خونته
¤
يالقديم امعانا كنك.. نبكو غير عليك ومنك
¤
يالقديم انريدك طيب.. درت جديد احذاي اقريب
¤
رميت ياجديد عليك.. غير بغض في عيت القدم
¤
انخاير انريد انتوب.. ونخاف من قديمين ينشدو
¤
خفت ان درت جديد.. يعلم قديم ياعين توجعه
¤
الساهلة اندير جديد.. والكاينة ملقاة لولي
¤
مع جديد راق العقل.. علي قديم ماعاد يلتفت
¤
يالقديم ايش عندك فيها.. تبرم على العين اتبكيها
¤
شكيت للقدم من النار.. جروني وجابوني إلها
¤
خايف كي ندير جديد.. يعلم قديم ياعين توجعه
¤
يالجديد قديم اعلمها.. لايمها كي ماتلايمها
¤
مكر في قديم وكيد.. انديرله جديد ايجاوره
¤
اقدم نمكر فيهم ونكيد.. احذاهم داير صوب جديد
¤
كديت ياقديم العقل.. لاطالك ولا طال نسوتك
¤
ازعمه كي ندير جديد.. نسوة قديم تبقى ساهلة
¤
غلا جديد توا بان.. نساني امهايات لولي
¤
مازلت يالقديم وراك.. الوقت مانهاني ع الغلا
¤
و راي نلتفت مازلت.. هيالي اقدم لاحقيني
¤

ولـــــــــكـــــــــــم أجمل التحيات

_________________
الرجوع الى أعلى الصفحة اذهب الى الأسفل
fatma

avatar

عدد المساهمات : 60
نقاط : 13550
السٌّمعَة : 8
تاريخ التسجيل : 22/04/2010
العمر : 33

مُساهمةموضوع: رد: الأقدم والأجدد   الجمعة أبريل 23, 2010 3:40 pm

مشكور عبدو
القديم و الجديد موضوع تبيله اسنين و انت تكتب فيه
الرجوع الى أعلى الصفحة اذهب الى الأسفل
 
الأقدم والأجدد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم الشعر والخواطر :: قسم خاص بغناوي العلم والشتاوات-
انتقل الى: