منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 أنتي يا ونسه ناصح فيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدو

avatar

عدد المساهمات : 537
نقاط : 15837
السٌّمعَة : 9
تاريخ التسجيل : 29/01/2010
العمر : 33

مُساهمةموضوع: أنتي يا ونسه ناصح فيك   الإثنين أبريل 19, 2010 10:26 am

السلام عليكم ورحمة الله

اليوم جيت وجايبة معاي قصيدة للشاعر الكبير جمعة بوخبينة الزويّ

بعنوان انتي ياونسة

وفيها ايقول الشاعر:


إنتي يا ونسه ناصح فيك .. إللي ناشيك .. علم عال العال مخلّيك


إنتي يا ونسه


إنتي يا ونسه بك معجب .. وبيك إعجابي موش فلاس


على ما في لوطان انلب .. وريت بنات أجناس أجناس


حذاك يبانن كى الخشب .. إن جيتي في فاخر للباس


إنتي كلّكـ مصبوبه صب ..امبوصم لك ما فيك نقاص


جمالك عـ الواصف يصعب .. جمال من الله من الاساس


غثيثك ضفّى شي عجب .. تسفّي فيه اكداس أكداس


على جوجيّك وين انكبّ ..اركيّب ساعة جفله حاس


جبينك بارق في زاعب .. شرابه يجري في الانواص


خذا يوم وليله يسكب .. عمر به كم خالي منهاس


وعينك تحته وين تشبّ .. تخلّي في العامر كسكاس


وهذبك عـ الماقي ضبّب .. أطوال وفي روصه معكاس


أنفاسك ريحة مسك تهب ..تداوي لكبود اليبّاس


أسلوبك في العاقل يسحب .. إلّي قام التوبه بإخلاص


السبحه والواشون هلب .. وراك جرى من غير امداس


إن قالوا له بالك ذاهب .. إيقول لهم هاذي وخلاص


شهاده بيها نطّالب .. نهار تفارقني الانفاس


إنه ما فيك وما ينحب .. على غيرك فزتي بالكاس


نحسّك درتيلي شاطبّ .. وقطع لوى يابنت الناس


وخايف كى منّك نقرب .. تزيدي بعد وطولة ياس


بكوني من قبل امجرّب .. وقايس والقايس حسّاس


انغالي غالي ويصاوب .. ونقرن نى وإياه الراص


وثاني موّاله يخرب .. بعد تشبيكـ .. غلانا نلقا فيه شريك


إنتي يا ونسه


إنتي يا ونسه ناصح فيك .. إللي ناشيك .. علم عال العال مخلّيك

_________________
الرجوع الى أعلى الصفحة اذهب الى الأسفل
 
أنتي يا ونسه ناصح فيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم الشعر والخواطر-
انتقل الى: