منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 100% مهم جدا للقراءة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
fatma

avatar

عدد المساهمات : 60
نقاط : 13515
السٌّمعَة : 8
تاريخ التسجيل : 22/04/2010
العمر : 33

مُساهمةموضوع: 100% مهم جدا للقراءة   السبت أبريل 24, 2010 8:22 am




1. اتبات كل يوم ابراي مسكونة الغلا مالها دواء

2. اتحوس في مكان الشيل واتقول وين عدو بالقدم

3. اتركهن تنال الصبر مالك سبب في دمعهن

4. اتركهن تنال جميل مالك سبب في ذنبهن

5. اتقول شي اعزاز اضلمو الخاطر اوهو والعبهم

6. اجعن دعاي يا مرهون تلقاه في ضراري كبيدتك

7. ادموع يعشمن ياعين سادتهم بلا قول يالله

8. اشرب من ايدين حنون الخاطر اروي مات م العطش

9. إعزاز مالكين العقل ينساهم منامه يجيبهم

10. إلا فالنهار يجول العقل داه م الليل ياعلم

11. امرضي بالبكا داويت وابريت والبكا باتلي مرض

12. امسامحكم بكرة واليوم امغير خطوني وقت النوم

13. امعاي نار تطفاء كيف ومجاور الي كابرينها

14. أنت سبايبه يا عين غلا عزيز لولاك ما رسم

15. انحمل في غصايص وقت كلا انهاب في قولت بكا

16. اومالي جديد هلبت ازهدت فيه ماشي للقدم

17. ايجيك امر توحل فيه حتى وانت قاريه تجهله

18. ايطولنى عزيز بلوم وانطوله بلومين فالغلا

19. ايمتا صارت يالولاف افراق اوكل نهار اصداف

20. بلا طعمه عام بعام عدى العمر حيله فى رجا

21. تغيب في رديم الياس اتجي معومدة نار الغلا

22. تفكيرك وخلو ايديك ايديرن ضبابه ع النضر

23. جازوبها وارقدت واقفزت وين جوها امخايلة

24. جرحي جدت فيه جديدة بدد من يالا الضميدة

25. جميع مايداوي الجرح داويتبا اومازال مابري

26. جميل بيش بيه ايغلى قديم ماقطع فى اظهورنا

27. حتى عزيز موهاويك ونسك يادار ايسدني

28. حسيتا بداء بالنقص بعتا عزيز قبل ايبيعني

29. الخاطر شديد العزم بكوه نين نايوا لدمعته

30. الخاطر عليه الصقت اعزاز جبر نسيته الهم

31. خذيت ياعزيز العقل بليلاء ونا في عازتا

32. خزي يادار المرهونين اتقول امعقب فيك جنين

33. خطم رحيل فيه اعلقت اوهمت فيه نحسابا لهم

34. خلاني لولاف خـــطاهم حتى فى واشــوني واهم

35. نين يشيب صغير اعيـــالي وانا ع المـرهون نشالي

36. من سطار سطير جـروحي مضايق حتى مـن روحي

37. جيـّك للاوهام مضــره نا وقضتك وانت حـــره

38. نص الليل عــزيز تهايا ما فــــزيت إلا بغطايا

39. شـور الدار خذيتي جولة ما جابوك إلا مشـــيوله

40. مرهونين العين عمـوها يالقايد تمشي خــــلوها

41. الدار بالبكا وفيت احذاها وفيها وقبلها

42. داواني جديد ابريت حسيست القدم طار سوها

43. الدمع ما يجلي الياس = يزيدكن أرياف وتنعمن

44. الدمع يوم ياس عزيز لو كان غيث لوطان أرجعن

45. دناهن جديد اليوم لنضار فالقدم راح سوهن

46. رديت شيرتي ع العقل القيت عازتي خير م الغني

47. اينوضن عقــاب الليل ايسلين علي ما اطريلهن

48. عرب وصار فيهم نقص يطريهم انجـازيه خاطري

49. الناس للربيع تشـــيل ونا حابس العين فى جدب

50. كنيب صـاحب الرافات ايحودد اليــاس ويقسموا

51. على شــعره برينات اجروح مـن قديم ايناوضن

52. يكساها ضباب تحوس العين وين لاوهــامك تجي

53. ساعة اخروج الروح هاذاك وين يااعزاز تنتسو

54. سمر الليل خاف ايجوه وانسي نهار فيه ايقابلو

55. سوايا وحتى قدر عزيز في داير واجده

56. شويت من اقدار العقل ان عشت يازماني انعاتبك

57. الصبر خير وشوى ذنب واكثر جميل واولا مالبكا

58. ضلام اوصفير ارياح يلطف عليك يادار خالقك

59. طبيبا ايقول اخذوه ايطول هلا ماايطول عجلو

60. عزاز بدلو بالغير عزو العقل في الي صار له

61. عزيز خير مني حال راقد الليل ونا سامرا

62. عزيز في خطاه امعاي ندم امغير موفايد ندم

63. عزيز كان دار النقص نسرق عليه ماندير دورتا

64. عزيز لجل ماضي فات حتى لو اخطي ماانعاتبه

65. عزيز يا البكايات ابكن معاى جاء وان مقعده

66. العقل في بلد جهال إن دار الغلا ياذوه ياعلم

67. العقل ما ينام الليل سطير جرح لولاف سمَّره

68. العقل ماعطوه حقوق أصحاب الغلا ظالمينه

69. العقل من خطا لولاف ان ضاع ضاع وان عاش عالعدم

70. العقل واسع الجالات أضايق مع نار الغلا

71. العقل يا أبعاد الدار يمسى معاي ويبات عندكم

72. علي اسببا يوم خطاه لنضار ينشدن في ارواحهن

73. على اطياح بيت غلاي تلاقن اوقاتي وعازتي

74. علي رصيف باب الدار العقل دار مينا للجضر

75. على عزيز غيض وشوق ملايا انلاقوه بيهن

76. علي قديم نبي دمع انفيك فيك مافيك دبري

77. علي ما قسنا من نيران وخيذة يا نار الجيران

78. عمرت في افواه الناس واخربت ياغلاي امعالقدم

79. عمرت يا عزيز امعاك وجعت قديم ماراها الا

80. العين راضيه بمنام تنضر عزيز فيه وتنعمى

81. العين شلتها للدار انريدها املاهاه انعمت

82. العين في العذاب تحمل ترجاهم رجا نين يـقسموا

83. العين قابلت ووزنت والعقل قال ما كيفك علم

84. العين مالها شي راي اتموج بين دارين حائرة

85. العين من غلا مرهون تذوح ما دباره لاقيه

86. العين هدبها مفتول علي عزيز ياما باكيه

87. العين هي عذاب العقل دلاته علي راي ذيبله

88. العين والفت لولاف وكان باعدو يانويرتي

89. غفيتي عليك اخطرو عليك حيه ياقليلة الهنا

90. غلا عزيز ناشك نوش امعاك لوتماضى ايعوقك

91. امعا غلاه صار خطاه انظر العين تبكي امنيهن

92. غنوك ناس مايسووك اعشمت فيك ياصاحب الغلا

93. فى اخناقى العين امسكت اتقوللى قديمين وينهم

94. قديم دارلك ياعين وسواس غبر ديما لاقطك

95. قديم كي لفا ساوال يدا اطلقتا ماحوتني

96. كان على البكاء بكاي على عزيز ونعارك اخرى

97. كان في عزيز نصيب على دناه ماصار هكذي

98. كفارة غلا القديم ابكا عمر واصيام عالغلا

99. كماه ذيبله رداه اجحده صاف شاكابه اوحل

100. كملن كل يو عذار غيات كي مدايين الفلس
الرجوع الى أعلى الصفحة اذهب الى الأسفل
عبدو

avatar

عدد المساهمات : 537
نقاط : 15242
السٌّمعَة : 9
تاريخ التسجيل : 29/01/2010
العمر : 33

مُساهمةموضوع: رد: 100% مهم جدا للقراءة   الأحد أبريل 25, 2010 9:10 am

مشكووووووووووووووووووووررررررررررررة علي هذه المشاركة الحلوة
تقبلي تحياتي

_________________
الرجوع الى أعلى الصفحة اذهب الى الأسفل
fatma

avatar

عدد المساهمات : 60
نقاط : 13515
السٌّمعَة : 8
تاريخ التسجيل : 22/04/2010
العمر : 33

مُساهمةموضوع: رد: 100% مهم جدا للقراءة   الأحد أبريل 25, 2010 7:12 pm

الشكر علي مرورك عبدو ..........
الرجوع الى أعلى الصفحة اذهب الى الأسفل
 
100% مهم جدا للقراءة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم القصص والحكايات-
انتقل الى: