منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 شعر التوبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
admin
avatar

عدد المساهمات : 145
نقاط : 14221
السٌّمعَة : 3
تاريخ التسجيل : 26/01/2010
الموقع : www.abdelata2001@googlemail.com

مُساهمةموضوع: شعر التوبة   الخميس يناير 28, 2010 11:33 am

يا ناسيين التوبة الدنيا علي ساس الغرر منصوبه اشقوا بالاخره

يا ناسيين حسابه يوم الحبيب يفوت فيه حبابه
يشيب صغير السن هول عذابه خمسين الف عام تحول غروبه
كيف الجراد المنتشر تدابه الناس بعصا وحده تجي مضروبه
قدام رب عادل يصدقوا كتابه يا نويرتي عاللي اكبار اذنوبه
يا ليتني م لمرض كنت اترابه يقول وين ما كبرت عليه الجوبه
الكافر اللي مكمل ايام شبابه وشاب عالضلال الموحشات دروبه
وفوق الجحيم ظلمه تقول سحابه دخاخين ترقي تحتها لهلوبه
وجنة الخلد انهارها سكابه يردوهن اللي سيرتهم محبوبه
بالغيب كانوا يا منوا توابه عليهم ارضي الخالق وهم رضيوبه
قالك مفاتيح السماء وابوابه اللي بقدرته يونس انجي بعجوبه
في بطن حوته في غريق شرابه ومعشر الجن ولانس ما يد روبه
فرج عليه وجا سريع جوابه سامع اندا عبده عليم اغيوبه

يا ناسيـين التوبــة الدنيــا علــى ساس الغرر منصوبه اشقوا بالاخره

يا ناسيين الزره وهي ليمنه من ليسره اتبره
مصابي على ميدان شدة حره لو كان تظهر عالحديد تذوبه
ويقولوا بعد كشف لحساب تعره عذار تحت وجه الله ما هي مطلوبه
لو كان يا كريم تغيثنا ها المره ساع نذكروك ودينا نشقو به
وهم في الحقيقة ميسين الكره بدنيا جديده خيرها يزهو به
من هاناك كلتهم مشي لمقره فريقين جلبوبه وراء جلبوبه
واصحاب المعاصي في العير وشره واصحاب المحاسن في النعيم وطوبه

ياناسين التوبه الدنيا على ساس الغررمنصوبه اشقوا بالاخره

يا نا سين الغصره بعد ينتفخ في الصور يوم الحشره
ويحضر الذنب اللي معدي عصره تقول امس عند الليل صاير دوبه
ولكن هناك مع العسر يسره واهناك رب غافر على سوق الشقاء مجلوبه
وما تطو لهم رحمه الله ونصره نين الجمل يبقى يكون هلوبه
مع عين لبره بلفراق او صره في كتاب ربي هكذى مكتوبه
من واحد عليم بعد الاجل وقصره طلبت الشهادة ساعة الغيبوبه
كامله تجي لاي ناقصه لاي عسره العبده الخايف رحمته موهوبه
يا ناسين اياته عطاكم انذار خالق الكون بذاته
متلكم عليه وتعرفوا حالاته نوار الربيع اللي غزير اشبوبه
يبقى قش طاير وين ما لمساته نفت ايام قبلي شديد هبوبه
في القرآن واضح كل شي باثباته على السان سيدنا نبي لعروبه
الغايه العبد يتوب قبل اماته ويعرف احكام الفرض والمندوبه
لله يرتجع يندم علي ما فاته ويجعل افعال الخير هي مكسوبه
وانذكر بيوم لاخره تفيض قناته ادموعه علي خده تجي مسكوبه
برحمة عظيم الفضل من سياته ان دار هذي ما تقعد ولاشرشوبه
يا ناسيين التوبه الدنيا علي ساس الغرر منصوبه اشقوا بدينكم

يا ناسيين الشيله بعد لفة الكفان والتغسيله

ودخول قبر موحش في هذيك الليله شقا ليف طينه عالجسد مكبوبه
وسوال سائلين الهم عليك دليله يريدوا جواب لربهم يمشو به
شامل ثلاث ابواب في تفصيله وان كان جبتهن جاتك ذريح وذوبه
ربك ودينك واتباع سبيله * وحب الرسول الفايزين اصحوبه
ولكن ان صارت في الخبر تبديله احكام لا مر يا ساتر اتجي مقلوبه
ولا لك معاه قوة ولا لك حيله هناك الدباير كلها مذهوبه
امفيت ربنا ما فيه من تشكيله ونيتك اللي عندك تكون ركوبه
بيضا سواء لخره بعد تكييله اللي تزرعه تأكل طعام احبوبه
عليك بالنظيف وابتغي الوسيله الطاهره ان كان ربك تريد قروبه
القادر على رفعك ديما وع التنزيله مالك على غير الكريم عقوبه
ايخلص الخايف من ذنوب ثقيله ان طب الطريق وجا منظف ثوبه
يا ناسيـين التوبــة الدنيــا علــى ساس الغرر منصوبه اشقوا بالاخره

يا ناسيين الهوه اللي ظيقه ومظلمه من جوه
على ذكر مولاكم شديد القوه لهتكم اللي صيورها امخروبه
حذركم وقاللكم اخذوه عدوه ابليس الرجيم اللي جرر ملعوبه
بيه جاب يادم من النعيم وحواء وحرر قبيل فتنته واسلوبه
علي خوه نين اقتل وبقى هوه النادم بعد في الفخ جا عرقوبه
وشاله وبات العجز في هالدوه عنده وتمت حالتها منكوبه
جعلهم الله اسباب ردم السوه اغرابين صارت بينهم تلبوبه
واحد قتل واحد جا في صوه حفر لـه سفي فوقه رقيق الطوبه
بالله اقدعوهن لا وراء من توه ان كان في كلامي جن الفاظ اكذوبه
يا ناسيين الجيه **** بعد فقدكم للمال والذريه
ولا فيه قوت ولا بريق امويه ولا ظل حر الشمس تتقو به
قدام رب ما تخفي عليه خفيه ;توقف وما فيدك ولا سبو به
عليك الجوارح يشهدن بالسيه وتبقالك خصيم ان كان مي مشطوبه
ولا لك امحامي يتلي القضيه يغير اللي بالحق لك منسوبه
ولا من ضنا عمك تجيك سريه تدير عليك وتقدع المنهوبه
م الصحيح بدري ملغيه بين الحباب الرابطه مسحوبه
وتبرز النار الحاره القويه تشوي البطن فيها للشقى ما دوبه
امكمل ايام العمر ولياليه في لهو زايد ما نظر لعيوبه
خوجه منام الفانيه الخليه عدت عليهن عامها امحسوبه
والجنة يجوها مخلصين النيه ويصلوا مساكنهم بدون صعوبه
تضاوا بلولي والذهب مبنيه اقصوره وسراير فرشها مخضو به
والباسهم حرير وفي اديار هنيه علي نهر ما ينقص يزيد عذوبه
وخمر ولبن للشاربين شهيه وانهار من عسل ما فيه شي ايشوبه
وامعاهن اثمار منوعه منشيه بطيب الروايح كلها مسروبه
وفي سورة الرحمن كما حورية تعجب جميع اوصافها مرغوبه
من الياقوت والمرجان عال نقيه تحلف عليها جوهرة مصبوبه
عطاهم الله الهم هذين هديه ازواج الهناء لاصحابها مجيوبه
والخاتمه الله بعينا جميله على فعل صالح في الغرف نرقوبه
يا نا سيين التوبه الدنيا علي ساس الغرر مبنيه اشقوا بالاخره
الرجوع الى أعلى الصفحة اذهب الى الأسفل
http://alshababi.alafdal.net
 
شعر التوبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم الشعر والخواطر-
انتقل الى: