منتــدى الشـــبابيــة


دردشة ليبية - برامج كاملة -بحوث -شعر -عالم المرأة - مسابقات -قصص وروايات
 
الرئيسيةالبوابةس .و .جبحـثالتسجيلدخول

شاطر | 
 

 مجموعة أشعار ليبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدو

avatar

عدد المساهمات : 537
نقاط : 15242
السٌّمعَة : 9
تاريخ التسجيل : 29/01/2010
العمر : 33

مُساهمةموضوع: مجموعة أشعار ليبية   الإثنين يونيو 21, 2010 8:30 am

السلام عليكم ورحمة الله وبركاته

اليوم حبيت انجيبلكم تجميعه من احلي وأروع الأشعار الليبية وأثمني أنها تنال رضاكم
هذا من؟؟؟اللي قلت ساقيك الغلا واالحن...ننشد انريد جواب...هذا من؟؟؟

هذا جديد العين واللي جاها...وهذا الصوب اللي جرا في دماها...هذا اللي جاريلي... هذا اللي تما محط رحيلي..هذا اللي في غيبتي يوميلي...هذا الي في غيبتا كداهاهذا اللي ننويه شرية جيلي...هذا اللي تطرب ان جا يالاها...هذا اللي يعرف سبب تدليلي...هذا اللي يمسح ادموع بكاها...هذا اللي تما ونس في ليلي..هذا اللي جلا أسباب شقاها...
هذا جديد العين واللي جاها...

============================

انت جافية وانا جافيتك ديمه

.انت جافية وانا جافيتك ديمه ... ياخسارة التعب فى حب ماله قيمه

انتى جافية ونسايه ... وانا قلبى وفى للحب فوق الغاية
تسهر عيونى بالدموع ملاية ... وعيونك ايجيها النوم من التظليمه
انت هانيه وانا قليل هنايا ... امندم لى عشرة سنين قديمه
امقدر عليا بالشقاء مولايا ... وكانت سبايب بلوتى تسليمه
عينى هوت والقلب عادم رايه ... امتبع شهاوى العين ديمه ديمه
اللى يعرفوك وعارفين وفايا ... قالو تخونك بالخداع عليمه
ماسمعت ناصح ولاقبلت وصايه ... حامل صغى حبك وراضى ضيمه
نحسابه قلبك بالحنين مايعايا ... لقيتك مثيل الريح فى التبريمه
فى الوجه مرشة والقفا براية ... يومين تصفى وعام كيف الغيمة
لحقنى الندم قلبى على شواية ... وقلبك تهنى بجنته ونعيمه
.. . . . . . . . ..دورت ومالقيتش دواء لدايا ... بننساك لو نقدر ندير عزيمه
============================

خوذها للذكرى

خوذها للذكرى.. يمكن اترايف ع الملامح بكرا..صورتى 

لوغبت

خوذ اوراقى

وخوذ منى كل شى واشواقى

يمكن اتحس ابغيبتى وافراقى

وتبكى بعدها خاطرى تفتكرا

خوذ هديتى

فيها احروفى اتذكرك حنيتى

وتعرف بعدها كيف كانت نيتى

ويعود قلبك من احقاده او مكرا

خذيت طريق

وما درت كيف نتركك فالضيق

معروف عنى ما نخون رفيق

لوكان ماعندك عليا فكرا

صورتى لو غبت خوذها للذكرى ....يمكن اترايف ع الملامح بكرا
============================.


شد الرساله ياعزيز أقراها 


شد الرساله ياعزيز أقراها فيها خبر للعين شن بكاها



إنت أللى إمبكيها من يوم عنها غبت ياناسيها



ولاجيت ولارنيت يوم عليها راهى الرنه بالبلاش كراها



وحتى الرنه راه نرضوا بيها رنة الغالى نعرفوا معناها



عليك رايفت مابا النوم إيجيها يقرب إيولى من إهذوب حجاها


جبنا أعذار قلنا إنغطو بيها وشرحنا ظروفك كلها قلناها



بالك مشى إلجيها مهناك فيها تغطيه يلقاها وبالك هرب من ناس 

مايبيها إمسكر الهاتف شفرته نحاها

وبالك الشفره رايحه ناسيها ولا باعها بأرقامها واسماها



قالت العين .؟. كيف باعها وإحنا أسمانا فيها. .

============================

خلى الزمان ايدير فينا شبرة 



خلى الزمان ايدير فينا شبرة صيورها لجراح تبرا تبرا

تاخد مداها فينا وصيورها ليام بداوينا
اطوالت اقصارت ماتفلق فينا من عزمنا ليام تاخد عبرة

.. . . . . .  وزرع المليحه فيوم بيلاقيناوالكسر عمرة مايجى فالهبرة.
============================.


.مــره مـــــرة ..........شور الشقا والياس درنا جـــــرة




مــره مـــــرة ..........شور الشقا والياس درنا جـــــرة





الدنيا بلا لعزاز مرة مـــــرة


شينا شينـــــا .......... الدنيا بلا لعزاز ما أتزهينـــــا

أوشور الشقا والياس رانا أمشينـــــا ....... حتى عدوي حالنا ما 

أيســـــره

هكـــي هكـــــي .......... حالي بلا لعزاز شين أيبكـــــي

أوتميت شور الياس غير أنتكـــــي .......... وأخرى بلا لولاف 

زايد شـــــره

مــره مـــــرة .......... أوشور الشقا والياس درنا جـــــرة

الدنيا بلا لعزاز مرة مـــــرة
============================.

ماذا يعني؟!.

ماذا يعني؟!.



اللي علي طول عمره بالجفا لايعني !!عزيز ضرني بالهجر ماذا يعني ؟! يعني ماذا ؟!عزيزخنجرة بين الضلوع تماضا خذا غايته فالقلب لين اشاظى علي قوتي ومروتي دعدعني !!ماذا يعني؟! ‏
............
ايقول عزيز ودني بالهجر ماذا يعني؟؟بدل خطاوي بالأطوال فجعني!!
.

قتله يعني شوره عزيز خان من وكرك أسراب طيوره...طارن وماهن عارفات ضرورة بلا غير رجعة وراس خوك اسمعني... واللي بفول باعك بدله بقشوره...وماتقول يوم القلب ماطاوعني.. كفيل وقتنا يمحي الخبر سيوره... وكيفك خبر واجد زمان وجعني.....!!!!!!!!!

============================.

جفيت جفاتك





.جفيت جفاتك



جفيتا جفاتك....ماتلوم عيني كونها حباتك... اردود الكفا واجب اجفيتا جفاتك....واجب العين اتهونك.. وزايد عليها بيش لين اتصونك..مادام هنتها ماعاد اتعد عيونك..واتعد روحها فالأصل ماغلاتك..وانت الغلا لعبة في قانونك..والعين غلطانه اللي وداتك...جفيت جفاتك



============================.


ايحوس ابروحه


.ايحوس ابروحه..ياخد نهار طويل هو واجروحه...عقلي اتجيه اوقات..!ايحوس ايودر..ويرقا وينزل في الوطا وايحدر..إيخطر اماجع في الصميم اتكدر..ويجبد فماضي ضايعات افروحه..اوياخد نهار وليل هم ايصدر..وعاالنار بكري كبدته مطروحه..!

============================.

قاسي يا فزاع منامي 
[b]قاسي يا فزاع منامي......،يادمارقصور احلامي.......،يامداد جسور ظلامي......،ياجباد دفين الامي[b]......،ياجياب المنجل حامي.....،ياكواي العقل الضامي.....،يابياع رخيص اسوامي.....،يابراك اجمال اقسامي.....،ياجفال طيور حمامي.......،صوبك واصل مخ عضامي..
.
============================.


.الكلام أصوله.
الكلام أصوله.......منا تأكد قبل مابتقوله.... وتبدا مصادر ثابتة مقتوله.....اصححت منها زين ميه ميه.... هكي تولي حجتك مقبولة.....لاكذب فيها لاخطا لاسية....وحق النبي هلي صدق في قوله......ما نسامحك لو جبتلي جبهية......والشرع مايحكم الابعدوله....ولازم شهود ومحكمة وقضية......ويا ويل ويلك من عذاب المولى....ربك اللي عالم بكل خفيه...

============================.

[b]نرجى فيك عطيني رنه



نرجى فيك عطيني رنه حط ايدياتك في الجنه عطيني رنه نرجى فيك الله يهديك .



.رصيدي قرشين ونبيك اطلبني عندي حاجه بيك اللي يستنه خير واحسن من اللي يتمنى.


.============================.

..يا جارحنا..


يارازينا.... يالي بنارك فالغلاء كاوينا....ويلي اطمعنا فيك بيش أتجينا.....تمسح دموع العين وتفرحنا....أنكان عالبكاء واجد عليك بكينا.....اخطينا الدوج اوفالخلا نوحنا......
.
.

...يا جارحنا..
انسيت الغلاء ننسوك حتي نحنا.زايدعلينا بيش؟
تحيااااااااااتي واشواقي القلبية لكم....
......

_________________
الرجوع الى أعلى الصفحة اذهب الى الأسفل
هايدي

avatar


عدد المساهمات : 87
نقاط : 13173
السٌّمعَة : 11
تاريخ التسجيل : 20/06/2010

مُساهمةموضوع: قrr   السبت سبتمبر 25, 2010 3:24 pm

السلام عليكــم ورحمـة الله وبركاتــه ،، موضوع حلو Surprised
الرجوع الى أعلى الصفحة اذهب الى الأسفل
حبيب الملايين

avatar


عدد المساهمات : 2
نقاط : 12554
السٌّمعَة : 8
تاريخ التسجيل : 03/10/2010

مُساهمةموضوع: رد: مجموعة أشعار ليبية   الأربعاء أكتوبر 27, 2010 11:35 pm

حرقتنا يا عبدووووووووووووو
منووووووووور
الرجوع الى أعلى الصفحة اذهب الى الأسفل
 
مجموعة أشعار ليبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى الشـــبابيــة :: منتديات الشعر والأدب :: قسم الشعر وعذاب المحبين-
انتقل الى: